لسة واقفين

من طرف zolahsudania الثلاثاء مارس 03, 2009 11:31 pm

سلام شبابات (شباب وشابات) القسم ما مخصص للإقتصاديين بس لانو كده مع مجرى الحياة بنلقى نفسنا اقتصادين
Okayمن غير كيك عشان برضو نوفر ولا شنو بس الكلام ما بقروش لو بقت عقليتنا اقتصادية بحته ما كان حد جاع في البلد دي لكن مش مشكل انتو خليكم معاي
بيقولوا انو الاقتصاد ظاهر من زمان وعرفوهوا الفراعنه بس انا ما اعتقد كده لأنو ما سمعت بيهو الا قبل بضع او بعض سنوات قلائل بالمناسبة في حد فيكم بيمشي الدكان جميل جداً كلكم معناها مشيتو طيب لما بيدوكم مصروف او تقبضوا المهية قولوا آمين هههههه كيف الصرف الفله(القروش) بتطلع كيف في عادات جميلة جداً منهم البيدكنوها بنسبة90% وفي البيصرفوها باليوم الاول بنفس النسبة وديل فيهم انا بفضل الاول اذا كنت مستثمر لما كنا بنمشي الدكان زمان كل المصروف بندفعوا حلاوة مصاصاة على لبان سندباد على سيما ولو قدرنا نشتري شبس او قرقاش او في بعض المسميات بطل وهنا تستوقفني كلمة جميلة جداً انو بثقافة الاطفال السودانيين الشبس اسموا البطل مع اختلاف الشركة مثلاً بطل شيتوس بطل ليون بطل شيبسي اما المن الشركة نفسها فاسموا بطل البطل بلاهي رايكم شنو (بطل = شيبس) لكن هيرو دي ليها معنى تاني
نرجع لموضوعنا كنا بنشتري بكل القروش العندنا كل ما نرغب فية او بقدر امكانية ما نقدر اها لو كنا فكرنا واشترينا بيها كلها بس بعنا نصها باكتر من راس مالها كنا بقينا الغنى حالياً يعني متاجرة عليكم نور.
البعض يعتقد انو مفهوم الاقتصاد انو تحافظ على اكبر قد ممكن من القروش ده عندنا بيعني الادخار ولازم يكون الدخل بيساوية زيادة على الاستهلاك
بطريقة بسيطة المثل بيقول مد رجليك على قدر لحافك الاقتصاديين مهمتهم انو يوفروا لكل حد اطول قدر من اللحاف ولو استلزم الامر تقصير الرجلين ههههههه يعني نحقق اكبر رفاهية ممكنة في اطار ندرة الموارد
يعني يا جماعة مش ممكن اقول ليكم سر المهنة دي فيها براءة اختراع طيب احنا نشتغل كيف بعدين هههههههه فك طلاسم الاقتصاد انا لي حسي ماعارفة ليها طريق بس احب اطمنكم
طالما منحنى المنفعة الحدية كانت فيه المرونة تتعدى الواحد وتصل الى المالانهاية فان ميل الطلب يمثل افضلية كبيرة في تقليل الاسعار وتحكم العرض هو الذي يوصف سلوك الاستهلاك مع السلع المكملة او البديلة.
خليكم كده
وبرجع اقول عندك 3 حالات
اذاكان عندك قروش اصرفها لانو العمر ما معروف واستفيد منها حي احسن من يدفنوها بيك ميت هههههه
او لو كنت مفلس اوعك تدين من حد لانو دي مصيبة حتبقى عالة على غيرك وعلى نفسك وعمرك ما حتسددها الا اذا كانت عندك رؤى مستقبلية.

اذا كان عندك قروش ومتحير فيها فاديها لي انا وما تتحير ابداً ههههههه
ويديكم العافية
والى ان نلتقي بعد ان احل الازمة العالمية الحصلت على كل الناس .
وادعـــــــــــــــــــــــــــــوا لينا.

من طرف ود بحرى الجمعة مارس 06, 2009 3:49 am

انشاء الله نشوفك كدا مديره الشبكه العالميه الاقتصاديه

بس كلااااااااااااااااااااامك دا مافاهم منو شى نهى البته

بس احيكى على مفهوم الاقتصاد هسع كدا وضح لينا باحيل

وماتخافى بنصر صرف بدون بزار وانشاء الله ربنا يطول فى عمرك كلكم ياناس كرامب واشوفكم كدا احلى ناس

هوووووووووووى انتى عارفه ياسونه بالجد لو عندى السيطله كان بقيتك محلله الحين هناك هسع دى

لكى الشكر

لسة واقفين

لسة واقفين

رد: لسة واقفين